Samsung ने आणला धमाकेदार स्मार्टफोन्स; फिचर्स दमदार आणि किंमतही परवडणारी!

 

Samsung Affordable Premium Smartphone: तुम्ही चांगल्या कंपनीचा, दमदार लूक असलेला आणि किंमत परवडेल असा स्मार्टफोन शोधताय? मग ही बातमी तुमच्यासाठी आहे. सॅमसंगने आपला अफोर्डेबल प्रीमियम स्मार्टफोन सॅमसंग गॅलेक्सी A56 5G बाजारात आणला आहे. नवीन फोन घेऊ इच्छिणाऱ्यांसाठी सॅमसंगने एक चांगला पर्याय आणला आहे. सॅमसंग गॅलेक्सी A56 5G या फोनमध्ये तुम्हाला  स्टायलिश डिझाइन आणि दमदार स्पेसिफिकेशन्स मिळू शकतील. या स्मार्टफोनमध्ये 12जीबी रॅम आणि Exynos 1580 प्रोसेसर देण्यात आला आहे. या नवीन सॅमसंग 5जी फोनच्या फीचर्स आणि स्पेसिफिकेशन्सबद्दल सविस्तर जाणून घेऊया. जेणेकरुन तुम्हाला फोन घ्यायचा की नाही ते ठरवता येईल. 

दमदार फिचर्स

सॅमसंगचा नवा स्मार्टफोन हा आधीच्या प्रीमियम गॅलेक्सी S25 प्रमाणेच दिसतो. यात मेटल बॉडी वापरण्यात आली आहे. तसेच स्मार्टफोनच्या फ्रंट आणि बॅक पॅनेलला गोरीला ग्लास विक्टस+ ची सुरक्षा आहे. या स्मार्टफोनला IP67 सर्टिफिकेशन आहे. त्यामुळे तुम्ही पावसातही फोन सुरक्षितपणे वापरु शकता. सॅमसंग गॅलेक्सी ए56 5G चे डायमेंशन्स 162.2 x 77.5 x 7.4 मिमी आहेत. तसेच याचे वजन 198 ग्रॅम आहे. हा 5G स्मार्टफोन तुम्हाला ऑसम ग्राफीट, ऑसम ऑलिव्ह आणि ऑसम लाइटग्रे या तीन आकर्षक रंगांमध्ये घेता येईल. 

कसा आहे डिस्प्ले?

सॅमसंग गॅलेक्सी A56 5G मध्ये 6.7-इंच FHD+ (1080 x 2340 पिक्सल) इन्फिनिटी-O एचडीआर डिस्प्ले देण्यात आला आहे. ही सुपर अमॉल्ड स्क्रीन आहेत. तिचा 120Hz रिफ्रेश रेट असून यातून 1900 nits पीक ब्राइटनेस मिळतो. इन-डिस्प्ले फिंगरप्रिंट सेन्सर असलेल्या या फोनच्या स्क्रीनचे संरक्षण गोरीला ग्लास व्हिक्टस+ ने करण्यात आले आहे.

कसा आहे परफॉर्मन्स?

हा स्मार्टफोन Android 15 वर कार्यरत असून One UI 7 वर आधारित आहे. प्रोसेसिंगसाठी यामध्ये 4nm Exynos 1580 ऑक्टा-कोर प्रोसेसर देण्यात आला आहे, जो 2.9GHz क्लॉक स्पीड पर्यंत कार्य करू शकतो. ग्राफिक्ससाठी हा फोन AMD Xclipse 540 GPU ला सपोर्ट करतो. विशेष म्हणजे, 6 वर्षांच्या सिक्युरिटी अपडेट्स आणि 6 जनरेशन OS अपडेट्स सुद्धा मिळणार आहेत.

कॅमेरा कसा आहे?

सॅमसंग गॅलेक्सीचा नवा स्मार्टफोन कॅमेरासाठी ओळखला जातो. फोटोग्राफीसाठी सॅमसंग गॅलेक्सी A56 5G मध्ये ट्रिपल रियर कॅमेरा सेटअप देण्यात आला आहे. याच्या 50MP OIS प्रायमरी सेन्सर (f/1.8 अपर्चर) सह 12MP अल्ट्रा-वाइड लेन्स (f/2.2 अपर्चर) आणि 5MP मॅक्रो सेन्सर उपलब्ध आहे. सेल्फी आणि व्हिडिओ कॉलिंगसाठी 12MP फ्रंट कॅमेरा (f/2.2 अपर्चर) देण्यात आला आहे.

बॅटरीलाईफ किती?

आपण स्मार्टफोन घेताना त्याची बॅटरीलाइफ आवर्जून पाहतो. सॅमसंगचा हा स्मार्टफोन तुम्ही बॅटरी लाइफ पाहून नक्की घ्याल.  यात 45W फास्ट चार्जिंग टेक्नॉलॉजी असल्याने बॅटरी लवकर चार्ज होते. सॅमसंग गॅलेक्सी A56 5G मध्ये 5000mAh बॅटरी देण्यात आली आहे. मोबाईल एकदा फूल चार्ज केल्यास पुढचे 29 तास तुम्हाला चार्जिंगची गरज नसेल.

इतर फीचर्स काय आहेत?

स्मार्टफोनच्या स्क्रीनमध्ये तुमच्या डोळ्यांची काळजी घेण्यात आली आहे. या स्मार्टफोनमध्ये आय केअर स्क्रीन देण्यात आली आहे. कनेक्टिव्हिटीसाठी 5GHz वायफाय, ब्लूटूथ 5.3 आणि एनएफसीसारखे फीचर्स आहेत. यात 3.5mm हेडफोन जॅक देण्यात आला नसला तरी यूएसबी टाइप-सी ऑडिओ आणि स्टेरिओ स्पीकर्स याला सपोर्ट करतात.